Li sirgûnî yê
Bêhna dûmên
Henaseyên min bernade
Efrîn ji şewitandinê re ye.
*******
Piştî ev qas dayîn
Bi hêsiran çîroka wê nivîsandin
Dara Zêtûnê.
******
Bê çêjin
Kenê gulan
Di beyanî yên
Bihara welatê min de.
******
Ew hîn jî…
Xewnan bi aştiyê dibînin
miletekî cengan perekende kir
Û erdhejan û petayan.
******
Avdar vegeriya
Û dilê min ziwa ye
Bihareke derewîn e!
******
Şaxên rût û tazî
Li badibin
Di barîna xunavê de
Firendeyên welatê min li ku ne?
******
Li ser stiriyan pêxwas dimeşim
Bihar li welatê min mir.
******
Bi hêsirên xeniqî
Birîna xwe dipêç e
Bi tenê û bê malbat e
Ji erdhejê rizgar bû ye.
******
Li ser maseya nanxwarin ê
Ferax semayê dikin
Li ber ritima erdhej ê.
******
Di demsala çinîna hinaran de
Birînên min dipişkuvin
Bi rengê gulnar ê
Ti carî baxê min ê talan bûyî
Ji bîr nakim!
******
